Il-Kwartieri Ġenerali
tal-Pulizija ġie mibni mill-Gran Mastru Portugiż Manoel De Vilhena fl-1734 u
kien jintuża bħala istitut imsejjaħ ‘Casa D’Industria’, fejn xbejbiet li ma
kellhomx fejn joqgħodu kienu jinġabru u jgħixu hawn. Kienu jitgħalmu jaqraw u jiktbu
u wkoll jitħarġu f’xi sengħa fosthom l-insiġ, il-ħalg u l-iproċessar tal-qoton.
Fi żmien l-Ingliżi u propju
fl-1850 dan il-bini serva ukoll bħala l-Isptar Ġentrali. Taħt dan il-bini
hemm xelter li kien tħaffer fil-bidu tat-Tieni Gwerra Dinjija biex ġewwa fih
jikkuraw pazjenti li mhux faċilment kont tkun tista’ iċċaqlaqhom minn post
għall-ieħor waqt bumbardament mill-ajru. L-pazjenti għalhekk setgħu
jitħallew hawn għall-kenn u sigurta mill-bombi. Immaġina xkien jiġri li
kieku waqt xi operazzjoni medika, ikollhom jieqfu minħabba bumbardament.
Għalhekk ġewwa x-xelter insibu żewġ tijatri tal-operazzjonijiet. Interessanti
wkoll li huwa l-uniku xelter f’Malta li kien jintuża għal dan l-iskop. U
mhux f’Malta biss, għax safejn hu magħruf m’hawn ebda sptar fil-kontinent mibni
jew imħaffer taht l-art b’dan il-mod.
Fl-1954 imbaghad, il-Korp
tal-Pulizija gie f’dan il-bini biex għamel minnu l-kwartieri generali, minn
fejn għadu jmexxi sal-lum il-gurnata.
L-Korp tal-Pulizija ta’
Malta twaqqaf nhar it-12 ta’ Lulju tal-1814 u l-ewwel kmandant tiegħu li kien
jissejjaħ l-ispettur generali – illum il-Kummissarju - kien il-Konti Kurunell
Francesco Rivarola. Dan kien maħtur mill-ewwel Gvernatur ta’ Malta, Sir Thomas
Maitland. Bħala Korp tal-Pulizija nistgħu ngħidu li hu, tal-għanqas fl-Ewropa,
l-eqdem Korp imwaqqaf b’kostituzzjoni, jiġifieri t-tmexxija tiegħu hija waħda
ċivili u mhux taħt xi forma militari bħal ma kellhom ħafna pajjiżi oħra.
Din il-kostituzzjoni toħrog mill-proklama tal-istess Gvernatur, li kopja
originali tagħha tinsab fil-mużew.
Dan il-mużew għandu żewġ
taqsimiet u kull taqsima qeda ġo sala għaliha. L-ewwel taqsima hija
tal-istorja amministrattiva tal-Korp u l-parti l-oħra dik ta’ xi wħud
mill-każijiet kriminali.
Fl-ewwel parti, wieħed jara
diversi affarijiet u attrezzamenti bħal ma’ huma uniformijiet, armi emblemiċi,
medalji, dekorazzjonijiet, armi tan-nar u diversi affarijiet oħra fosthom
għodod u mezzi tat-trasport li lkoll kienu neċessarji u wżati fi
żminijiet differenti biex il-Pulizija dejjem qdiet dmira bl-aħjar mod li
setgħet.
Fit-tieni parti wieħed jara
xeni ta’ reat differenti minn diversi delitti li saru f’Malta...
No comments:
Post a Comment